EDINBURGH – Urnanan a sera i konteo ta andando pa revelá e deseo independista berdadero di Eskosia. Sea e pais ta Keda forma parti di Reino Uni di Gran Bretaña i Nort Irlandia òf nan ta bira un pais oropeo Soberano.
Despues di mas di 300 aña bou di Dominio di Korona Ingles i diferente lucha pa independensia, awe Eskosia a vota pa disidí si e ke bira independiente.
E pregunta ku Eskoses nan mester a kontesta awe tabata ku si Eskosia mester bira independiente. E opshon di kontesta tabata Si òf No. E referèndem a kuminsá mainta trempan te ku 10 di anochi (5pm na Kòrsou).
Ta antisipá ku pa 6or di mainta (1am na Kòrsòu) e resultado lo ta aden. Sondeonan di último simannan a mustra un diferensia masha chikitu den si i no, ounke un sondeo revelá ayera a mustra 53% sosten pa “no”, osea ku Eskosia no mester bira independiente.
NOTISIA DI MOMENTU KORSOU 