ALABAMA – Un wes na Alabama a ordená e pastor Juan Demetrius McFarland pa bandona su puesto despues ku e la admití di a tene relashon seksual ku varios miembro di misa.
E pastor tin AIDS pero no a notifiká e damanan. E eskandalo a kuminsa despues ku e pastor a adimití durante variso sirbishi ku e tin AIDS, e lahusa droga, e la horta sèn for di e misa i tambe tene relashon ku varios miembro, den e misa mes. Miembronan a vota pa McFarland bandona su puesto, pero e pastor a ninga esaki. Huntu ku su asistente e la kambia e locknan i e nòmbernan riba e kuentanan bankario di misa.
E diakononan di Shiloh Missionary Baptist Church a hasi un demanda pa korte mes kita McFarland for di su puesto, despues no a logra di yega na un akuerdo kune. Segun e veredikto di e wes, McFarland mester entregá tur e yabinan di e misa, duna e diakononan akseso na e kuentanan bankario di e misa i bandona su puesto inmediatamente.
Fuente: NBC News
NEWS POWERED BY:NOTISIA DI MOMENTU FASTER,BETTER NEWS
NOTISIA DI MOMENTU KORSOU 