Daily Archives: July 13, 2014

NEWS

News Update


Awe Mi Ta Count My Blessings

Asina Meener: Yves Guillaume Cooper A Sigi Bisa

Awe mi ta bolbe count my blessings…

No tin duda ku hopi hende a hari nan barika yen último simannan riba e Facebook akí. Ta kuantu hende tin e previlegio di por krea un plataforma pa tantu alegria asina? ta kuantu hende tin asina tantu hende ku ta apresi’é?

Ami ta un di nan ku tin e previlegio ei i mi ta hopi agradesido tambe. Nunka lo mi bira ‘nonchalant’ i haña ku ta normal ku bosnan ta apresiá mi. Lo mi keda alerta pasó un fayo chikí por pone ku mi ta pèrdè bosnan apresio tambe. Esei mi sa bon bon…

Mundial 2014 tabatin hopi impakto riba mi. El a generá hopi energia positivo seka mi i tabatin dia ku mi tabata deseá pa Mundial no kaba. E energia positivo akí mi no ke pèrd’é. Mi palabrashon pa drecha mi bida a bin for di un kaminda. No ta ‘zomaar’ mi a hisa e kos benta riba Facebook. Ta algu ku mi tabata trahando riba dje basta tempu kaba, pero e momentu no a presentá. Durante Mundial e momentu a presentá, ora mi tabata resa pa Hulanda gana e wega kontra Costa Rica.

Ku drecha mi bida mi tabata ke mèn prinsipalmente, e manera agresivo ku ratu ratu mi ta reakshoná riba kosnan ku ta iritá mi. Tantu riba mi Facebook komo den mi trabou. Mi sa ku tin hende ku ta apresiá mi, ku no ta gusta e parti ei di mi i mi ta dispuesto pa kambi’é. No pa nan gusta mi sino pa rèspèt i komo muestra di apresio pa nan amistat riba Facebook.

Ami ta bisa semper ku yu Kòrsou no ta dushi hende. Tin dushi hende yu Kòrsou. E simannan di alegria riba e Facebook akí a proba esei. Sentenar di e hendenan a manifestá nan mes komo dushi hende riba e facebook akí. Si e tabata por durante mundial, e mester por ora no tin mundial tambe.

Ami a dal e promé stap. I ku e stap akí mi ta yama bosnan tur danki pa a sigui mi durante Mundial. Danki pa tur e momentunan di alegria i mamamentu di gai. Danki pa un Mundial riba Facebook sin NIUN insidente bou di e diferente fanátikonan. No tabatin niun hasimentu di ònspòrtif. Niun hende a block otro. Asta Jr Alves, Shudi Rojer, i Aymar Profas a sobrebibí. Mi a soporta Erika Akire tambe. George Jamaloodin a haña su lès pues e mi no ta worry kuné mes. Atá…mi a hera lubidá Marlon-Patrick Pietersz. Kansa mi chep mes e suá ei….

Danki na Bencio Pieters ku a pèrmití mi yama e Poll Sin Premio na su nòmber. Bencio ta e promé ganadó di e Poll Sin Premio ku a kuminsá na 2010.

Danki, danki, danki i te 2018 na Rusia! Увидимся в Russuaдо в 2018 году

NEWS

Merka ta enfrentá krísis di migrashon infantil


WILLEMSTAD – Presidente di Merka, Barak Obama, a hasi un apelashon na mayornan di Sentro Amérika pa nan stòp nan yunan (òf stòp di pèrmití nan) pa migra drenta Merka ilegalmente I nan so.

 
Outoridatnan merikanu ta kalifiká e situashon komo un krísis. Un krísis di muchanan menor di edat, proveniente di Sentro Amérika, ku ta purba krusa frontera merikanu (sùit ost) buskando un mihó bida. Kontando for di luna di òktober, a registrá mas di 50 mil menor di edat, proveniente di Guatemala, Hondúras i El Salvador, ku a krusa drenta Merka di manera ilegal i riba nan mes. E vershon ta ku mayornan sentro-amerikano mes lo ta permití nan yunan pa hasi e biahe peligroso aki pensando ku nan tin un mihó chèns na un mihó bida. Sinembargo e pensamentu aki ta robes, e biahe aki ta pone bida di e muchanan na peliger I chèns ta grandi ku nan lo no por keda Merka, asina Obama a indiká. Alabes e presidente  merikanu a hasi un yamada na mayornan sentro-ameirkanu pa na stòp ku e práktika aki.
 
Hopi di e muchanan ta den sentronan di detenshon pendiente pa desishon riba deportashon. Pa atendé ku e situashon Obama a anunsiá un plan di 3 mil 700 mion dòler Merikanu pa amplia rekurso na e sentronan di detenshon spesial aki I alabes reforsá e frontera merikanu pa para e ola di migrashon infantil aki.
 
Pa por ehekutá e plan e kongreso di Merka (parlamento) mester aprobá e finansiamentu multi bionario aki, pero no ta parse ku e tin sosten di e partido republikano ku ta kontrolá e kas di representante di Merka (1 di e 2 kámaranan di parlamento di Merka). E presidente di e kas di representante, John  Boenher (republikano), a deklará ku parlamento lo no duna presidente Obama un check blanku. Den seno di partido nos no a disidí ainda kon nos ta bai atendé e situashon, pero ta sigur ku nos lo no duna Obama un chèck blanku, Boenher a enfatisá.migrashon-pa-Merka-300x199
Politika

Dekadensha struktural – Skibi pa Nelson Pierre


WILLEMSTAD – Konsiderando e dekadensha generalisa di ultimo dekadanan den nos país den praktikamente tur área i sektor, no ta muchu difisil konklui ku tin un grupo kada dia mas grandi di yiunan di Korsou ku a bin ta konfronta problemanan emoshonal hopi agudo. Den nan tin un grupito ku ta sufri di malesanan di poder i permanentemente ta manifesta esaki den nan buskeda insistente di poder, unda ku e ta, den kua organisashon ku ta, sea priva of publiko. Nan intenshon semper ta pa haña e maksimo atenshon, pretendiendo demostra ku ta nan tin poder i ku ta nan ta disidi, apesar di ilogikanan struktrural.

Pa logra esaki, nan ta disfrasa di bondadoso, supuestamente atento na e bos i pensamentu di e otro, pero una bes ku nan logra nan obhetivo di korto plazo, ta pone di manifiesto nan karakter di dominio, ku kueste loke kueste, ta hasi tur lokual ta na nan alkanse pa nan permanese na poder i si tin di viola reglanan pa logra e ophetivo aki, esaki ta ser hasi sin pensa dos biaha. A yega asina lew, ku ta krea sierto leinan i reglanan dependiendo den kua area i sektor nan ta, pa nan por maniobra ku mas libertat buskando semper sasia sit di un kompleho profundo di konstante buskeda di atenshon.

Hopi biaha sinta riba stoelnan ku nan no tin e kapasidat pa atende ku e funshonnan ku e stoel ta eksihi i den otro kasonan, teniendo e kapasidatnan ta usa e stoelnan, e funshonnan, pa además di sasia nan komplehonan, enrikese nan mes i nan sirkulo di poder.

E proseso aki ta un di e motornan prinsipal di e deterioro ku nos país a bin ta pasa aden pa varios dekada kaba i ta parse ku no tin un generashon nobo ta lantando tampoko ku no ta padese di e enfermedat aki, ku no ta kasonan hopi aisla for di otro. Lokual nos ta konfronta awendia ta resultado di prosesonan ku a keda marka mas aya di inisio di e ultimo generashon i ku a penetra profundamente den politika lokal ku su influensha direkto den nvnan, fundashonnan i hinter e aparato publiko di gobiernu, kreando un atmosfera pisa, frustrante i komplika, egoísta, vengativo, meskla ku un ponementu di pia, boikot i ribirishi politiko konstante.

Kada tantu tempu ta sali algún kara nobo i semi- nobo ofresiendo komunidat un kaminda nobo i después nan ku nan ta brua den otro i sigui riba e mesun kaminda ku aki aya un pida dekorashon nobo, ku na kaminda nan ku nan mes ta ignora su eksistensha.

E dekorashon aki ta krea algu di emoshon nobo den komunidat, hopi gritu di protesta kontra e orden establese, pa después nos tur bisa un biaha mas……”nos no a spera e kos aki di nan”. Tantu raport, tantu diagnostiko sin kasi akshon i muchu menos resultado, ta e prueba maksimo ku algu ta robes den sikologia di esnan ku a bin ta maneha poder den nos país, i esaki, den tur area i sektor i no di gobernashon so.

 

Nelson Pierre

NOTISIA DI MOMENTU
NOTISIA DI MOMENTU
NEWS

Edison Rijna, gezaghèber nobo di Boneiru


KRALENDIJK — Konseho di minister na Hulanda a bai di akuerdo ku e nominashon di Minister di Asuntunan Interno i Relashon den Reino, sr. dr.R.H.A. Plasterk, pa nombra sr. E.E. (Edison) Rijna komo gezaghèber pa Entidat Públiko Boneiru. Señor Rijna na e momentunan aki ta gezaghèber interino di Boneiru.

Te ku 2011 sr. Rijna tabata empleá na vários banko den Karibe. For di 2011 sr. Rijna ta doño di e kompania Bon Recycling B.V. E ta kasá i tin dos yu. E nombramentu ta drenta na vigor dia 20 di ougùstùs, 2014. Rijna ta susesor di Lydia Emerenciana ku a baha despues di un moshon di deskonfiansa di Konseho Insular.

Edison Rijna(N.D.M)
Edison Rijna(N.D.M)
NEWS

Speshalistanan ta rekomendando Mike Eman pa para wèlga di hamber


ORANJESTAD – Diferente speshalista ta konsehando promé minister di Aruba Mike Eman pa para su wèlga di hamber. Nan a konstatá ku e tin dos dia sin drumi i kome normalmente i ku esei ta pone su salú seriamente na peliger. Un wèlga di hamber por tin konsekuensha serio pa salú di un hende. Entre otro e por afektá órganonan di tal manera ku nan no por rekuperá mas.
E promé minister no kier tende nada di e sugerenshanan. E ta insistí ku su lucha ta unu hustifiká pa salvaguardá outonomia di Aruba. Su demanda ta ku ta firma presupuesto di 2014 di Aruba.

NOTISIA DI MOMENTU
NOTISIA DI MOMENTU
NEWS, Notisia Polisial

“Kaso Magnus den Sentro di Punda ta un mal idea”


WILLEMSTAD – Partido PAIS ta kere ku ta un mal idea pa trata kaso Magnus, e kaso di likidashon di e dirigente polítiko Helmin Wiels den Sentro di Punda. E kaso lo mester bin dilanti kuminsando dia 4 di ougùstùs awor.
Presidente di PAIS, Mike Franco, ta konsiente ku e desishon na unda ta trata e kaso Magnus demokrátikamente ta serka Presidente di Korte. Den mesun rosea e ta di opinion sinembargo, ku e kaso aki no ta kualkier kaso. “Na mi manera di mira, e kaso aki ta unu partikular i no di rutina. Den hopi pais na mundu, tipo di kasonan similar na Magnus ta tuma lugá den espasionan spesial ku por akapará hopi hende ku no ta kousa molèster pa tráfiko ni negoshi i ku no ta komprometé seguridat”.

Lider polítiko, Alex Rosaria ta pensa mesun kos i ta kere ku ta un mal desishon pa tene e kaso aki na Stadhuis ku ta den kurason di Punda. “En bista di e kantidat di hende ku lo t’ei pa e kaso, esaki lo no ta bon pa aksesibilidat di Punda ni tampoko un bon notisia pa negoshinan. Pero tampoko lo ta ideal pa nos imágen komo pais turístiko, pa durante hinter un siman agentenan di seguridat na un manera bisto ta kana ku arma pisá den kurason di Punda. Nos tin otro lugá mas indiká pa trata e kaso aki. Mas ideal pa akapará e kantidat di hende i mas ideal pa tur e asuntunan di e seguridat nesesario rònt di e kaso aki”.

Alex Rosaria a bisa finalmente di ta spera, ku Korte lo rekonsiderá su posishon. Rosaria no a bisa ta kua lokalidat nan ta pensa riba dje.

Fuente: Notisia360

N.D.M
N.D.M
NEWS

Kliente ta kousa destrukshon den banko


WILLEMSTAD - Un kliente awe mainta a kousa destrukshon na un porta den e edifisio di Banko di Caribe na Sta. Maria, pa despues yega kaminda tabatin plaka, kue un suma di plaka i bai ku esaki, konsidenrando ku ta su
 plaka.

Informashon no ofisial ku Redakshon Loop ta disponé ta indiká ku e kliente dje banko ya lo mester a entregá un keho relashoná ku 'skimming'.
Probablemente deskonosínan a lanta plaka,for di riba kuenta dje kliente sin su outorisashon. E kliente a tuma nota di un ke otro i a notifiká e banko.

E banko aparentemente no a kaba atendé e problema, pero e kliente tabata rabiá, pasó e mester di su plaka. Esei a pone ku el a bai banko mainta pa bai buska su plaka, na e forma ye indiká. E kaso tin atenshon di outoridatnan polisial.

Fuente: Redakshon LOOP

N.D.M
N.D.M