Hòmber ta kometé ladronisia ku violensia na un banko lokal.

Tópiko: Hòmber ta kometé ladronisia ku violensia na un banko lokal.

Djabièrnè 11 di yüli 2014, alrededor di 09.09’or di mainta Sentral a risibí un informashon ku na e banko situá na Jan Noorduynweg un ladronisia ku violensia a kaba di tuma lugá.
For di un investigashon preliminar ku polis a hasi na e sitio a resultá ku un hòmber a presentá na e banko i a reklamá ku deskonosínan a ‘skim’ su kuenta di banko i a kita un suma grandi di plaka for di su kuenta. E personal di banko a trata di splika e hòmber un ke otro pero e hòmber no a keda kontentu. El a rabia, menasá e empleadonan, kibra dos porta di palu bai paden i kue for di dos kaha di plaka un kantidat di sèn i sali bai for di e porta dilanti di e banko. Bewakernan a bai trata di impedí e hòmber di sali for di e banko usando nan arma reglamentario, pero mirando e kantidat di kliente ku tabatin den banko na e momentu ei, a opta pa lag’é bai. E sospechoso a drenta un outo i bai for di e sitio.
Departamento di Atrako ta kontinuá ku e investigashon

N.D.M

.

Lucky Seven Lottery Resultado 11 Yüli 2014

Lucky Seven Lottery
Resultado 11 Yüli 2014

Kòrsou:
7621
3576
4962

Smart: 
2848
9503
5734

Daily:
92869
18365
73193
 
Diario: 
4241
5429
9787

News update

Notisia si polis,Topiko,homber ta komete ladronisia ku violensia na un banko lokal,Djabièrnè 11 di yüli 2014, alrededor di 09.09’or di mainta Sentral a risibí un informashon ku na e banko situá na Jan Noorduynweg un ladronisia ku violensia a kaba di tuma lugá.
For di un investigashon preliminar ku polis a hasi na e sitio a resultá ku un hòmber a presentá na e banko i a reklamá ku deskonosínan a ‘skim’ su kuenta di banko i a kita un suma grandi di plaka for di su kuenta. E personal di banko a trata di splika e hòmber un ke otro pero e hòmber no a keda kontentu. El a rabia, menasá e empleadonan, kibra dos porta di palu bai paden i kue for di dos kaha di plaka un kantidat di sèn i sali bai for di e porta dilanti di e banko. Bewakernan a bai trata di impedí e hòmber di sali for di e banko usando nan arma reglamentario,  pero mirando e kantidat di kliente ku tabatin den banko na e momentu ei,  a opta pa lag’é bai.  E sospechoso a drenta un outo i bai for di e sitio.
Departamento di Atrako ta kontinuá ku e investigashon.

Botica na warda Djabièrnè 11 di Juli 2014

Botica na warda Djabièrnè 11 di Juli 2014 Punda: Botica Mampuritu, Sta. Rosaweg 329, Tel.: 767-4750 Otrobanda: Botica Jan Noorduyn, Jan Noorduynweg 32, Tel.: 869-8100

UTS a pèrdè 29 mion florin den 2013

WILLEMSTAD – UTS a pèrdè 29 mion florin den 2013. E kompania, anunsiando su sifranan pa e aña fiskal ku ta tras di lomba ta bisa ku e kambionan den e forma ku hende ta komuniká tin efekto riba e resultadonan di UTS meskos ku mayoria di kompania di telekomunikashon den mundu.

Si no tabata pa e resultado di e kompanianan di UTS na Sürnam i Sint Kitts, UTS lo tabatin un resultado positivo di ANG 4.7 mion.

Tantu Sürnam komo Sint Kitts, ta dos kompania ku gerensia di UTS a indiká kaba for di 2012 ku mester sali for di nan i ku den e terser kuartal di e aña aki definitivamente lo konkluí e benta. Tur esaki miéntras ku den 2013 UTS a realisá un buèlta di retiro boluntario.

Pa UTS por tin un futuro sostenibel, mester kontinuá ku su esfuersonan pa redusí su gastunan i na mes momentu pone hopi énfasis riba servisio na e kliente, asina e kompania ta bisa.

 

Un biaha mas hopi spekulashon rondó kaso Magnus

WILLEMSTAD – Detenshon dje sospechoso M.L.L. di 36 aña di edat, sospechá di ekstorshon i òf intento di ekstorshon, un biaha mas ta sòru pa hopi spekulashon den kaso Magnus.

For di momento ku detenshon dje sospechoso Michael L. a bira konosí, tin diferente vershon ta sirkulá. Informashon konkreto ku Redakshon Loop por suministrá den e kaso aki, ta ku un otro sospechoso A.S.B. detené den luna di febrüari, tambe ta sospechá di ekstorshon den kaso Magnus.

E sospechoso Michael L., na komienso di aña aki tambe a risibí kastigu kondishonal di 6 luna den un kaso di gañamentu bou di huramentashon, den un kaso di poseshon di arma di kandela i intento di asesinato.

Mientrastantu, fuentenan a indiká na Redakshon Loop  ku tin indikashon si ku e tenshon entre ehekutornan i outornan intelektual enbolbí den kaso di asesinato di Helmin Wiels ta birando mas grandi, motibu pa kual outoridatnan ta tratando na aselerá e proseso, di manera ku por sera e investigashon promé ku 4 di ougùstùs benidero.

 

Kantante Atchu Tchu Tcha Yuri Da Cuncha ougùstùs na Kòrsou

WILLEMSTAD – Kantante dje kansion hit Atchu Tchu Tcha, Yuri Da Cuncha próksimamente lo bai ta na Kòrsou.

JC Media ta orguyoso di por presentá e kantante aki dia 15 di augùstùs benidero na Kòrsou. Yuri Da Cuncha tin un trayektoria di 20 aña kaba presentando riba esenario. Huntu kuné lo bai tin tambe Mr. Sm Baboul riba esenario.

Lo bai tin oportunidat tambe pa inskribi pa e kompetensha di e baile di ATCHU TCHU TCHA. Tur esnan interesá mester keda pendiente pa mas informashon i detaye.

Pues prepará, pasó 15 di ougùstùs ta bailamentu di Atchu Tchu Tcha i Baboul lo bai tin.

 

Ministerio Desaroyo Sosial Labor i Bienestar ku Dia di Estudio

WILLEMSTAD – Ministerio di Desaroyo Sosial, Labor i Bienestar, mañan djaweps 10 di yüli lo tin un dia di estudio.

Minister enkargá ku Ministerio di Desaroyo Sosial, Labor i Bienestar, sr. Bernard Whiteman, na nòmber di Gobièrnu di Kòrsou, ta informá klientenan di sektornan di Desaroyo Sosial/Kas di Bario, Famia & Hubentut i Labor, ku aktividatnan na e sektornan menshoná lo ta ménos ku normal djaweps, 10 di yüli 2014.

Esaki ta relashoná ku un dia di estudio ku lo tuma lugá djaweps dia 10 di yüli. Gobièrnu di Kòrsou ta pidi su diskulpa pa kualke inkumbiniensia ku esaki por trese pa klientenan di Ministerio di Desaroyo Sosial, Labor i Bienestar.

Djabièrnè dia 11 di yüli tur servisio di ministerio lo funshoná normal. Pues tene kuenta ku esaki.

 

Bosero di Marina Real ta konfirmá militar heridá

WILLEMSTAD – Un militar na e base di Sufisant ta interná den hòspital despues ku un bala prosedente di un arma di kandela a herid’é na su garganta.

Bosero di Marina Real Maartje van der Maas ta konfirmá e suseso pero ta bisa ku no sa si ta un ‘schietincident’ a tuma lugá.

Tin rumornan ta sirkulá ku ta despues ku Hulanda a pèrdè kontra Argentina, e militar a tira su mes. Redakshon LOOP lo investigá esaki mas aleu i mas detaye lo sigi.

Fuente: Redakshon LOOP

 

Hòfi di Dinah ta un lokalidat preferí pa plannan di vakashon

WILLEMSTAD – Redakshon di LOOP a tuma nota ku e “Hòfi di Dinah” ta un di e sitio nan mas bishitá durante vakashon di skol.

Ta masha hopi di e gruponan di vakashon a hasi e hòfi aki un bishita.

Di un forma masha pekuliar e mucha i hóbennan ta wòrdu eduká riba tur tipo di mata i yerba nan di nos pais,pa tur klase di uso.

Nos lo rekomendá tur esnan ku ainda no a bishita e hòfi aki pa yama i traha un sita pa boso por haña tur klase di informashon tokante nos yerba nan.

Fuente: Redakshon LOOP

 

NOTISIA DI MOMENTU

Hòmber detené pa ladronisia.

Tópiko: hòmber detené pa ladronisia.

Djaluna 15 di yüli 2014, alrededor di 02.43’or, Sentral di Polis a dirigí un patruya na Bankwerkersweg na unda tres (3) hòmber lo a kaba di hòrta den un kas den e kaya menshoná.
E patruya polisial a dirigí nan mes pe sitio i den Saliña a bin señalá tres (3) hòmber ta kana ku ta kuadra ku e deskripshonnan ku tabatin. E sospechosonan na momentu ku nan a mira polis a saka kareda kore bai. A start un persiguishon i a duna nan òrdu pa para, pero nan a sigui kore i polis a hañ’é ta lòs un tiru di atvertensia. Na altura di Grebbelinieweg polis a logra di detené un di e sospechosonan, kual ta e hòmber A.M., nasé na Kòrsou, di 18 aña di edat. E otro dos sospechosonan a logra di hui. Durante di investigashon polis a bin haña un tas konteniendo artíkulonan ku nan a kaba di hòrta i a konfiská esaki.
A bai warda ku e sospechoso na unda a present’é dilanti di un fiskal ouksiliar ku a ordená su enkarselamentu pa mas investigashon.
E investigashon den e kaso aki ta kontinuá.

N.D.M

Eks-premier Emily de Jongh-Elhage solidario ku Mike Eman

WILLEMSTAD – Eks-promé minister Emily de Jongh-Elhage ta e promé eks-mandatario di e otro islanan ku a duna sosten públiko na e lucha di promé minister di Aruba Mike Eman pa salvaguardá outonomia di e isla. E otro polítikonan i eks-polítikonan a tene distansha te awor aki, anke hopi di nan ta den kontakto ku miembronan di gobièrnu di Aruba i ku AVP. Sra. de Jongh-Elhage a yega Aruba awe mainta pa ekspresá su solidaridat.

Eman a sostené e lucha di Kòrsou pa un status outónomo den e deliberashonnan ku tabatin ku Ulanda. Semper di parti di e eks-promé minister di e tempu ei sra. de Jongh-Elhage tabatin atmirashon pa esei. (foto Otmar Oduber